Baráttudagur Tópasvarnarráðs

Líklega er ég í þeim hópi landsmanna, Guð má vita hvað hann er stór, sem sér lítið heilagt við verkalýðsgöngurnar 1. maí. Enda stemmning töluvert langt frá þeirri sem Laxness lýsir í sömu andránni og Ólafur Kárason fer með kvæðið maístjörnuna.Rétti upp hönd sem hefur rekist á verkamann sem reiddist yfir uppátækinu!

Sú var tíðin að þetta var dagur þeirra sem bjuggu við raunverulega fátækt og niðurlægingu. Í dag ber meira á aktivistum ýmiskonar, og sumum reyndar ærið misgáfulegum. Er verkalýðsgangan ekki orðin óttaleg afskræming og komin langt frá uppruna sínum? Við búum á tímum þar sem ekki þykir lengur athugavert að menn hæðist að forsetanum í Spaugstofunni, og flest má nota í markaðsskyni.

En sjálfsagt var það ekki athugað af Fítonsmönnum að gangan er orðið síðasta athvarf róttækra hugsjónamanna sem eiga það flestir sameiginlegt að hafa illan bifur á markaðsöflum hvers konar, og ekki síst auglýsingum.

Athugasemdir

[Þórir Hrafn Gunnarsson, 2.5.2007 kl. 14:35]

Sæll,

"Rétti upp hönd sem hefur rekist á verkamann sem reiddist yfir uppátækinu!"

Þú getur kannski talið upp þann fjölda af verkamönnum sem þú hefur átt nægilega langt samtal við til þess að spyrja út í þetta atriði :)

Kveðjur :)

[Svansson, 2.5.2007 kl. 15:28]

Ég hef rætt við fáeina, og mín tilfinning er sú þeir hafi tekið áskorun Tóta.