Vibbi úr kommentakerfi vitlausasta blaðamanns í sögu Fréttablaðsins. :)

Þetta er meðal þess sem ég fann í kommentakerfinu mínu í dag. Það eina sem ég hef um málið að segja er að gefa höfundinum einn stóran broskall.

Jú, og svo líka það að ég ætla áfram að hafa kommentakerfið galopið án þess að tölvupóstsstaðfestingar og álíka óþarfa sé þörf, enda hefur það aldrei verið minn stíll að láta fæðingarhálfvita af þessu tagi eyðileggja jólaskapið sem maður óhjákvæmilega kemst í við að vera hástökkvari Moggabloggsins.

"Það er nú gaman að lesa þetta nýja blogg þitt, mun skemmtilegra en það gamla. 

Hérna ferðu sko hamförum í því að monta þig af vinsældum þínum sem bloggari en innihaldið á síðunni er heldur rýrt.  Eintóm lygaþvæla og upphrópanir! 

Þá finnst mér gaman að sjá að þú titlir þig blaðamann.  Mig minnir að þú hafir verið látinn fara af Fréttablaðinu eftir 2 mánuði í starfi þar, enda varstu arfaslakur blaðamaður!!!  Hef heyrt að þú sért einn sá allra vitlausasti sem þangað hefur rekið inn nefið.  Og hafa þeir verið nokkrir vanvitarnir á þeim snepli, enda ekki gerð þar krafa um formlega menntun eða læs, eins og í þínu tilfelli.

Reyndar held ég að þú ættir að hætta að blogga.  Ættir frekar að halda áfram að vera skúffuskáld og dreyma um frama og frægð á þeim vettvangi.  Þegar þú skrifar um eitthvað annað en þinn þrönga og óspennandi hversdagsleika (nú er ég að vitna í hitt bloggið þitt, gott að ég hef ekki aðgang af því læsta: er þar fjallað um saurlífi?) þá er það pínlegt aflestrar.  Svona eins og dagbók einhvers með heilkenni sem ég nefni ekki hérna.  

Og hattur gerir menn ekki að gáfumönnum.  Bara kjánalega útlítandi uppskafningum!

Hættu svo þessum fucking broskörlum!!!  Það eru bara táningsstúlkur sem nota svoleiðis subbuskap.  Ekki fullorðnir karlmenn."

 

Athugasemdir

[GG (IP-tala skráð) 23.12.2006 kl. 15:08]

Það er oft pínlegt að lesa svona komment því þau eiga það oftast sameiginlegt, að höfundarnir þykjast vera svaka pennar og reyna að vera sem háfleygastir til þess að sýna hæfileikana. Það gerir það að verkum, að kommentið verður yfirborðskennt, tilgerðarlegt og stirt enda veldur skrifari því engan veginn, að krota eitthvað flóknara en einfaldan texta.

Ofnotkun á "og" í byrjun setningar, Þrjú upphrópunarmerki í röð Geta ekki notað "að" og "af" rétt. Klunnalegar setningar eins og "...gerir menn ekki að gáfumönnum." Allt eru þetta dæmi um leirburð, sem virðist vera einkennandi fyrir þá tegund fólks, sem skilur slík komment eftir sig.

Jólakveðja, GG.

[Salvör Kristjana Gissurardóttir, 24.12.2006 kl. 01:41]

Það var einhver sem ofsótti mig um daginn á kommentakerfinu, skrifaðu níð þrisvar sinnum. ég póstaði eitt blogg um það, viðkomandi er greinilega einhver vöntunarmanneskja sem hefst lítið við nema æða milli blogga og gera fólki lífið leitt. Hef ekki lengur þolinmæði fyrir svona rusta. Ég þurrka beint út kommentin frá viðkomandi.  Það er sumt fólk ruglað en það verða að vera sérfræðingar sem reyna að lækna það. Okkar hinna bara að umbera það og reyna að minnka sem mest skaðann sem það gerir

[Jónas Björgvin Antonsson, 24.12.2006 kl. 16:08]

Ég tek bara undir með Kára Geir. Er 100% sammála honum. Eigðu góð jól.

J#