Skyldi e-ð af þeim koma til landsins

Þokkalega verður maður að verða sér út um 1-2 flöskur af hvorum, enda er ég Tuborg maður.

Blár og hvítur Tuborg til liðs við þann græna

Talandi um skoðanakannanir

Ég mæli eindregið með þeim sem Arnljótur er með fyrir forsetakosningarnar 2008.

Annað skiptið á hálfu ári

Þetta er í annað skiptið á hálfu ári sem heilsa Björns er í fréttum, en ef ég man rétt hneig hann niður eftir flugferð seinni part síðasta sumars. 

Viðbót: Eða öllu heldur um miðjan júní, sjá hér. 

Hægra lunga Björns Bjarnasonar féll saman

Vildu þagga niður í Stefáni

Það er forvitnileg yfirlýsing sem Stefán Ólafsson hjá Félagsvísindadeild Háskóla Íslands lætur hafa eftir sér í viðtali við Stúdentablaðið sem er í Fréttablaðinu í dag. Orð rétt segir:

"Á árum Páls Skúlasonar í rektorsstól nálguðust nokkrir einstaklingar úr starfsliði Háskólans hann og óskuðu þess að hann léti Stefán hætta skrifum sínum um ójöfnuð í landinu. "Þetta gerðist í hita leiksins og það var ansi dapurlegt af mönnum sem hafa jafnvel sagst vera talsmenn akademísks frelsis og sjálfstæði [sic] háskólarannsókna," segir Stefán.  "En ég tel að það hafi verið mistök hjá viðkomandi aðilum að gera þetta. Ferð þeirra skilaði engum árangri, hvorki fyrir þá né aðra. Þetta tilheyrir fortíðinni og ég er ekkert að velta mér upp úr þessu. Það má alveg liggja í gleymskunni hverjir þessir menn voru."

Þetta er í annað skiptið á stuttum tíma sem fræðimaður í Félagsvísindadeild Háskóla Íslands greinir frá tilraunum til að þagga niður í sér með einhverjum hætti, en Baldur Þórhalls greindi nýverið frá tölvupósti frá áhrifamanni í samfélaginu sem hafði í hótunum við hann vegna ummæla hans um Evrópusambandið. Baldur nafngreindi hann ekki heldur, en það mun hafa verið Kjartan Gunnarsson, þá framkvæmdastjóri Sjálfstæðisflokksins, sem var höfundur þess tölvupósts.

Framtíðarlandið og Óskar Magnússon

Ég er frekar sammála mörgu í þessu viðtali við Óskar Magnússon í Framtíðarlandsvefútgáfunni. Alveg væri ég til í að sjá þetta framboð verða að veruleika. 

Á sama tíma er Samfylkingin orðin minni en Vinstri Grænir og Frjálslyndi flokkurinn að breytast í rasistaflokk. Sjálfur er ég í rauninni ósáttur við þessa helv. ríkisstjórn en enginn stjórnarandstöðuflokkanna er option fyrir mig. Þannig að ég vil amk. sjá hvað gerist. 

Dæmigert, ekki satt?

Þessir Stúdentapólitíkusar sko.

Stjórn SHÍ óánægð með að formaður skyldi ekki láta vita af viðræðum

Snemmbúinn æfingaakstur

Hressir krakkar - utan af landi kannski?

Það hefur aldrei þótt mikið mál í sveitum landsins að láta krakka keyra, en þó kannski ekki þegar umferðin er mest.  

Lánaði 15 ára vinkonu sinni bílinn

Vantar klór?

Þeir þurfa greinilega að komast upp á lag með að setja klór í sundlaugarnar sínar þar syðra, og kannski salt líka. Það gengur auðvitað ekki upp að í þeim sé óværa af þessu tagi.

Krókódíll truflaði skólasund barna

Laun fyrir skattheimtuna

Ég er skattheimtumaður og það kostar mig nokkra vinnu og fyrirhöfn og útréttingar, án þess ég fái krónu fyrir.

Nánar tiltekið, þá er ég með VSK númer. Þarf að standa skil á því, halda öllu til haga, reikna út, og etv að borga endurskoðanda fyrir ráðgjöfina. Stofna bankareikning, skrifa út pappíra, reikna rétt og týna engu. Læra á kerfið, jafnvel af mistökunum og fá nýtt eyðublað í hvert skipti. Þetta er aldrei eins frá ári til árs og nú síðast er búið að flytja VSK skrifstofuna upp 4. hæð og þó er hún enn kirfilega merkt á 1. hæð á skiltum og í lyftu Tollstjórahússins (en einhverra hluta vegna eru ég og hinir VSK skattheimtumennirnir sendir í tollstjórahúsið, upp á 5. hæð, til að skila þessu).

Svo að ofan á annað er maður líka látinn villast í lyftunum. Er nema von að einhverjir freistist til að svíkja, eða gera sem mest svart.

En eins og maður segir, ég sé um innheimtuna fyrir ríkið og fæ ekkert fyrir nema bankavextina og nú verða þeir minnkaðir fyrst það á að setja mig á tveggja mánaða skil. Eftir að ég fékk leiðréttingarskýrslu í hendurnar, nú þarf ég að taka tíma í að fara aftur yfir alla reikninga og punkta niður hvað fer á hvaða tímabil.  

Það vinnur enginn sjálfstætt á Íslandi: Við erum allir í vinnu fyrir ríkið. Með öllu því sem þeirri vinnu fylgir. Og fáum ekki krónu fyrir í laun og ekki heldur ánægjuna.  

Innskatt? Það sem maður getur talið á móti? Jújú, eitthvað svolítið, en hvorki mat né drykk eða eitthvað þaðan af sterkara. Og þá er það ekki mikils virði. En hefði maður nú fengið sér fartölvu í ár hefði það vísast eitthvað talið. Svo ég geri það fyrir næsta ár - engin spurning. :) 

Kortaleyndarmálin

Ég var búinn að gleyma postsecret þar til á laugardagskvöld þegar við WoodyAllen fórum að tala um leyndarmál. 

Þarna er endalaust hægt að gleyma sér yfir frumlegum kortum og annarra manna leyndarmálum, en þetta er sumsé heimasíða sem gengur út á það að fólk hvaðanæfa af sendir heimatilbúin og nafnlaus póstkort þar sem það greinir frá leyndarmálinu sínu.

Þetta gerir ekkert annað en að vaxa: Ég sé núna á Wikipedia að bloggsíðan hefur sópað að sér verðlaunum, í Laylow stíl, á Annual Weblog Awards og það er búið að gefa út tvær nýjar bækur með póstkortaleyndarmálum síðustu fjóra mánuði. Það er eitthvað. 

En já, snilldar síða. Maður þarf að muna að tékka á henni flesta sunnudaga.