Leita í fréttum mbl.is

Jón Baldvin bilaður í símanum kvöld eftir kvöld?

Muni ég rétt fréttirnar lýsti Jón Baldvin því þegar fyrrv. starfsmaður símans hringdi í hann og lýsti því hvernig einhver hefði setið í tengiboxinu kvöld eftir kvöld - og hlustað. Síðan stökk hann frá, og þá hafi starfsmaðurinn laumast í heyrnartólin, og heyrt Jón Baldvin tala í símann. 

Greinilega var Jón Baldvin ekki að ljúga, eins og margir héldu undireins fram þegar hann greindi frá þessu, heldur atvikið og símtalið ekta. Starfsmaðurinn virðist hafa vitnað um þetta, og síðan kemur í ljós að "hlustarinn" var í bilanaþjónustu. Það var og. 

Þetta, eins og flest annað sem fram hefur komið, ber að sama brunni. Það virðist liggja fiskur undir steini, en samt enn engin konkrít sönnun. 


mbl.is Ekkert sem studdi ummæli um hleranir
Tilkynna um óviðeigandi tengingu við frétt

Röng frásögn af fótbroti í Ísafold - það segir Landsinn

Landlæknisembættið fullyrðir að rangt sé sagt frá fótbrotinu í síðustu Ísafold. Getur það verið?

Það er í það minnsta ekki sagt frá hinu rétta í málinu, ef til vill er það samt viðkæmt?.  


mbl.is Röng frásögn af beinbroti vistmanns á Grund
Tilkynna um óviðeigandi tengingu við frétt

Já, Trackback Fídus takk

já, eins og við Tómas ha? ræddum í gær er það efst á mínum óskalista í viðbætur við Moggabloggin að fá inn Trackback fídus.

Við gætum fengið valmöguleika á annarra blogg, rétt eins og fréttirnar þar við sjáum blogga um frétt táknið. Síðan myndi sjást á bloggi þess sem við linkum á alla aðra moggabloggara sem linka á hann.

Nánar tiltekið að vér innherjar gætum trakkbakkað hver annan, þa. ef ég linka á Tomma sjáist á hans bloggi að ég sé að linka á hann. ;) 


Að velta öðrum

Og þá er minn orðinn no. 27, næstur á eftir Birni.is. Verð trúlega búinn að velta honum úr sessi fyrir lok hefðbundins vinnudags. Það verður þá sjálfsagt gott dagsverk, enda má kannski segja að þarna sé um gamlan draum að ræða. ;)

Flugumferðastjórapakkið

... er held ég alveg með meira en nóg í laun og ætti að geta gengið að samningum eins og allir aðrir verðandi starfsmenn flugstoða. Það er út í hött að einn hópur geti trekk í trekk sett allt heila klabbið í gíslingu vegna utanaðkomandi kringumstæðna.

mbl.is Tillaga að samkomulagi
Tilkynna um óviðeigandi tengingu við frétt

Ekki mikið mál

Sem stendur er undirritaður Svansson, eftir tveggja sólarhringa moggabloggun, er orðinn no. 30 á listanum yfir vinsælustu blogginu síðustu 7 daga. Það er eitthvað, ekki satt?

Svo maður spyr: Hvað hafa wannabe-in og allir hinir eiginlega haft fyrir stafni meðan þeir biðu hingaðkomu minnar. ;)


Feitt skúbb - Kompás viðurkennir að dópa upp viðmælendur

"Það er ekki rétt að við höfum gefið þeim Conta," segir Jóhannes Kr. Kristjánsson ritstjóri Kompáss. "Enda hefðu varla fengist trúverðug og nothæf viðtöl út úr því. Þess í stað gáfum við umræddum viðmælendum Penta, enda virtist það mun líklegra til árangurs."

Penta er stytting á Sodium Pentatol, sem víða hefur verið notað sem sannleikslyf, en Conta er slanguryrðið sem langt leiddir fíklar nota yfir Contalgin. "Líklega hefur þessum ágætu viðmælendum okkar einfaldlega misheyrst og þeir haldið því fram í góðri trú að um Conta væri að ræða. Þeir eru því eftir sem áður fullkomlega trúverðugir sem nafnlausir heimildarmenn." 

Jóhann viðurkennir að þetta kunni að vera gagnrýnivert og bætir því við að starfsmenn Kompáss hafi gert ákveðin mistök. "Við gerðum okkur ekki grein fyrir aukaverkununum og sáum því ekki fyrir að þeir myndu fara beint á Sogn og greina læknunum frá þessum viðskiptum."  

Af öðrum feitum skúbbum í dag er það helst í fréttum að Sigmundur Ernir Rúnarsson lýsti því yfir í morgun að það væri algengt að fjölmiðlar hér á landi greiddu mönnum fyrir viðtöl. Ekki hefur enn fengist upplýst hvort hann var undir áhrifum Penta þegar hann lét þau ummæli falla. 


Dr. Geir og Hr. Haarde

Ég nennti reyndar ómögulega að lesa þennan Múrpistil. En fyrirsögnin er fádæma vel heppnuð og það er eitthvað.

Hversu margir kálfar?

15-20 kálfar, skv. Fyrirsögn. Þeir voru ekki hátt í á annan tug (eins og heimildarmenn Kompáss), og ekki, 15, 16, 18 eða 19, heldur 15-20. 

Í sömu málsgrein segir svo frá annarri skriðu, nær íbúðarhúsi, og orðrétt: "Engan hefur sakað í þessum skriðuföllum."

Líklega er þetta þá bara bókhaldsóreiða hjá bóndanum, að hafa ekki kálfafjöldann á hreinu.


mbl.is 15-20 kálfar drápust þegar skriða féll á fjós í Grænuhlíð í Eyjafirði
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband